Sosial

Ana səhifə

Sosial

Azərbaycanda “İslam Konfransı Təşkilatı modeli - beynəlxalq təhsil layihəsi” başa çatır

18 may 2011 09:45 (UTC +04:00)

DƏ-İKGF-dən APA-ya verilən məlumata görə, forum tərəfindən irəli sürülən layihə hər il dünyanın müxtəlif ölkələrindən olan gənclərin iştirak etdiyi effektiv kommunikasiya, çoxtrərəfli diplomatiya və insan haqları üzrə kurslardan ibarət “BMT Modelnin” əsasında təsis edilib. Bununla belə, “İKT modeli proqramı” dünyada BMT-dən sonra ikinci böyük təşkilat olan İKT-nin spesifikasını nəzərə almış və tələbələrə bu təşkilatın dünyada oynadığı rol ilə bağlı lazımi məlumatların verilməsi məqsədi güdür.
Layihənin rəhbəri Elçin Əsgərovun bildirdiyinə görə, “İKT Modeli Proqramı” ilk dəfə olaraq Azərbaycanda həyata keçirilir və gələcəkdə onun İKT-nin bütün üzv-ölkələrində həyata keçirilməsi planlaşdırılır. Qeyd olunub ki, bu proqramın məhz Azərbaycanda ilk dəfə olaraq reallaşması və digər ölkələrdə “İKT modeli” üzrə məhz Azərbaycan milli layihənin əsas götürülmə diqqəti çəkən məqamlardan biridir. Bu il aprel ayının 1-dən start verilən layihənin birinci mərhələsində Bakı ali məktəblərinin 130-dan artıq tələbəsi 6 həftə ərzində İKT tarixi, strukturu, prinsipləri, müxtəlif qlobal mövzular üzrə konsepsiyaları ilə tanış olublar. İKT ölkələrinin Bakı şəhərində akkreditə olunmuş səfirləri, səfirlik əməkdaşları, müxtəlif beynəlxalq və yerli dövlət qurumlarının aparıcı mütəxəssisləri müvafiq mövzular üzrə tələbələrə 12 mühazirə oxuyublar.

Bundan başqa. İKT-nin aparıcı ölkələrini təmsil edən tələbələrin yaratdıqları işçi qruplar model oyunlar çərçivəsində beynəlxalq münasibətlərin aktual problemlərini müzakirə edib, əsasən İKT arealında baş verən və beynəlxalq təsirə malik problemləri, o cümlədən Ermənistan – Azərbaycan Dağlıq Qarabağ münaqişəsini müzakirə edərək adıçəkilən problemlərin həll edilməsi üzrə konkret təkliflərlə çıxış ediblər. Model oyunlar çərçivəsində tələbələr İKT ölkələrinin Bakıda akkreditə olunmuş səfirlik nümayəndələri tərəfindən qəbul edilmiş, onların həmin ölkələrin xarici siyasəti ilə bağlı maraqlandıran suallarını cavablandırıblar. İki aylıq müzakirələrin nəticəsi olaraq model oyunlar çərçivəsində mayın 24-də Bakıda proqramın son mərhələsi olan “İKT Sammiti”nin keçirilməsi planlaşdırılır. Hərtərəfli müzakirələrdən sonra yekun qətnamə şəklində qəbul ediləcək sənəddə münaqişələrin həll edilməsi üzrə təkliflər öz əksini tapacaq.
İki aylıq kursların sonunda keçiriləcək “İKT sammiti”ndə qələbə əldə edən işçi qruplar xüsusi mükafatlarla təltif olunacaq, o cümlədən 2011-ci ilin iyul ayında İstanbulda keçiriləcək beynəlxalq “İKT modeli” yarışmalarına qatılmaq hüququ əldə edəcəklər.