Bank Of Baku

Misir Mərdanov Dünya Bankının Cənubi Qafqaz bölməsi üzrə regional direktoru ilə görüşüb

Misir Mərdanov Dünya Bankının Cənubi Qafqaz bölməsi üzrə regional direktoru ilə görüşüb
# 26 may 2011 15:06 (UTC +04:00)
Bakı. Sevil Valehova-APA. Təhsil naziri Misir Mərdanov ölkəmizdə səfərdə olan Dünya Bankının Cənubi Qafqaz bölməsi üzrə regional direktoru Əsəd Alamın rəhbərlik etdiyi nümayəndə heyəti ilə görüşüb. Bu haqda APA-ya təhsil Nazirliyinin mətbuat xidmətindən məlumat verilib. Görüşdə nazir son illərdə təhsil sahəsində həyata keçirilən islahatların nəticələrindən bəhs edib və bu baxımdan Dünya Bankı ilə əməkdaşlığın üstün cəhətlərinə toxunub.

M. Mərdanov son illərdə 2000-dən çox yeni məktəb binasının tikildiyini və əsaslı təmir edildiyini, tədris ocaqlarının maddi-texniki təchizatının yaxşılaşdığını vurğulayıb. Nazir təhsilin inkişafı ilə bağlı əhəmiyyətli işlərin görüldüyünü nəzərə çatdırıb. O, həyata keçirilməsi nəzərdə tutulan bir sıra layihələrin reallaşdırılmasında da Dünya Bankı ilə əməkdaşlığın mühüm nəticələr verəcəyinə ümidvar olduğunu bildirib.

Ə. Alam Təhsil Nazirliyi ilə Dünya Bankı arasında səmərəli əlaqələrin mövcud olduğunu bildirib. Yaxın zamanlarda nəzərdə tutulmuş digər layihələrin də reallaşdırılacağını deyən qonaq Dünya Bankının bundan sonra da birgə əməkdaşlıq çərçivəsində Azərbaycana hər cür kömək etməyə hazır olduğunu nəzərə çatdırıb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR