Sosial

Ana səhifə

Sosial

Azərbaycanın bəzi rayonlarında leysan yağacaq, dolu düşəcək

02 iyun 2011 09:34 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, arabir güclü şimal-qərb küləyi əsəcək. Havanın temperaturu gecə 15-17, gündüz 20-25 dərəcə isti olacaq.

İyunun 4-də hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Gündüz mülayim cənub-şərq küləyi əsəcək. Havanın temperaturunun gecə 14-17, gündüz 20-25 dərəcə isti olacaq.

İyunun 5-də havanın dəyişkən buludlu olacağı, gün ərzində əsasən yağmursuz keçəcəyi proqnozlaşdırılırr. Lakin gecə və axşam bəzi yerlərdə qısamüddətli az yağış yağacağı ehtimalı var. Mülayim cənub küləyi əsəcək. Gecə 15-18, gündüz 22-27 dərəcə isti olacaq.

Azərbaycanın rayonlarında iyunun 3-də əsasən gecə və axşam şimşək çaxacağı, yağış yağacağı gözlənilir. Bəzi yerlərdə lokal leysan xarakterli intensiv olacağı, dolu düşəcəyi ehtimalı var. Qərb küləyi əsəcək, ayrı-ayrı yerlərdə arabir güclü olacaq. Gecə 15-20, gündüz 22-27 dərəcə isti, dağlarda gecə 8-12, gündüz 14-19 dərəcə isti olacağı proqnozlaşdırılır.

İyunun 4-də hava şəraiti gündüz əsasən yağmursuz keçəcək. Lakin gecə və axşam bəzi yerlərdə şimşək çaxacağı, yağış yağacağı gözlənilir. Ayrı-ayrı yerlərdə lokal leysan xarakterli intensiv olacağı, dolu düşəcəyi ehtimalı var. Şərq küləyi əsəcək. Gecə 14-19, gündüz 23-28, dağlarda gecə 8-12, gündüz 15-20 dərəcə isti olacaq.

Tibbi-meteoroloji proqnoza əsasən, yaxın 3 gün ərzində Abşeron yarımadasında hava şəraiti meteohəssas insanlar üçün əsasən əlverişli olsa da, iyunun 3-də güclü xəzri küləyi bəzi meteohəssas insanlarda narahatlıq hissi yarada bilər.

hava