Bank Of Baku

Milli Məclisin sədr müavini BQXK nümayəndə heyəti ilə görüşüb

Milli Məclisin sədr müavini BQXK nümayəndə heyəti ilə görüşüb
# 14 iyun 2011 15:00 (UTC +04:00)
Bakı. Rəşad Süleymanov – APA. Azərbaycan Milli Məclis sədrinin müavini Bahar Muradova Beynəlxalq Qırmızı Xaç Komitəsinin (BQXK) nümayəndə heyəti ilə görüşüb. Bu barədə APA-ya Milli Məclisin mətbuat xidmətindən məlumat verilib.

Azərbaycanın BQXK ilə əlaqələrinin yüksələn xətlə inkişaf etdiyini deyən B. Muradova komitənin Azərbaycanın dövlət strukturları və ictimai təşkilatları ilə əlaqələrini yüksək qiymətləndirib. İşğal olunmuş ərazilərdə qalan maddi-mədəniyyət abidələrinin aqibətinə və həmin bölgədə yaşayan insanların psixoloji durumuna diqqət yönəldən sədr müavini bildirib ki, itkin düşmüş şəxslərlə bağlı qanun layihəsinin hazırlanması da BQXK-nin diqqətindədir. Bu istiqamətdə Milli Məclisdə bir sıra görüşlər, tədbirlər keçirilib.

BQXK-nin beynəlxalq humanitar hüquq üzrə regional məsləhətçisi Mariya Tereza Dutli isə qeyd edib ki, təmsil etdiyi qurum itkin düşmüş şəxslərlə bağlı model qanun hazırlayıb və layihə Azərbaycanda da müzakirə olunub. BQXK-nin Bakı nümayəndəliyinin müdafiə işləri üzrə koordinatoru Silvi Qrenişer layihədə itkin düşənlər haqqında DNT analizinin və eksqumasiya məsələlərinin öz əksini tapmasının zərurətini vurğulayıb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR