Sosial

Ana səhifə

Sosial

Azərbaycanda İkinci Dünya müharibəsində iştirak edənlərin pensiyaları artırılıb

01 oktyabr 2012 14:05 (UTC +04:00)

Bakı. Pərvin Abbasov – APA. Azərbaycanda İkinci Dünya müharibəsində iştirak edənlərin pensiyaları artırılıb. APA-nın xəbərinə görə, bu barədə Milli Məclis qərar qəbul edib. İclasda «Əmək pensiyaları haqqında» qanuna dəyişikliklərdə müzakirə olunub.

Belə ki, əvvəl İkinci Dünya müharibəsinin iştirakçıları və veteranlarının pensiyası fərqli hesablansa da, qanuna dəyişikliklə onlar arasındakı fərq aradan qaldırılacaq. Beləliklə, hazırda İkinci Dünya müharibəsi iştirakçılarının əmək pensiyasının baza hissəsinə 50 faiz əlavə ödəmə nəzərdə tutulubsa, dəyişikliklə əlavə 90 faiz təşkil edəcək.

Qanuna edilən digər dəyişikliklərə görə, Fövqəladə Hallar Nazirliyinin (FHN) əməkdaşlarının əmək pensiyalarına güzəşt tətbiq ediləcək. Belə ki, FHN-də 25 il çalışanlar əmək pensiyasına çıxmaq hüququ qazanacaqlar. Bundan əlavə, əməkdaş vəfat edərsə, onun ailə üzvləri ailə başçısını itirdiklərinə görə əmək pensiyası almaq hüququna malik olacaqlar.

Qanunda digər dəyişiklik ondan ibarətdir ki, FHN-də 5 il çalışan şəxs əmək pensiyasına çıxarsa, əmək haqqının 45 faizini, 5-10 il yenə 45 faiz, 10 ildən çox çalışanlara isə 55 faiz pensiya verilməsi nəzərdə tutulur. Bu insanlar dünyalarını dəyişərsə, onun ailə üzvləri ailə başçısını itirdiklərinə görə əmək pensiyası almaq hüququ yaranacaq.