Sosial

Ana səhifə

Sosial

Norveçin Petrad Dövlət Fondunun direktoru Bakı Ali Neft Məktəbində olub

19 oktyabr 2012 10:38 (UTC +04:00)

Bakı Ali Neft Məktəbinin ictimaiyyətlə əlaqələr şöbəsindən APA-ya verilən məlumata görə, qonaqlar burada yaradılan maddi-texniki şərait və tədris prosesi ilə yaxından tanış olublar. Bakı Ali Neft Məktəbinin rektoru Elmar Qasımov Azərbaycan Respublikası Dövlət Neft Şirkətinin ölkədə və xaricdə həyata keçirdiyi layihələr barədə danışıb və rəhbərlik etdiyi müəssisənin ARDNŞ-nın strukturunda dövlət müəssisəsi statusunda yaradıldığını qeyd edib. O deyib ki, Bakı Ali Neft Məktəbinin yaradılmasında əsas məqsəd Azərbaycanda beynəlxalq standartlara uyğun, ən müasir tədris planları və texnologiyaları əsasında qurulan təhsil prosesini təşkil etmək, sənayenin müasir tələblərinə cavab verən yüksək ixtisaslı mütəxəssislərə yaranan ehtiyacı ödəmək, ARDNŞ-nin Azərbaycanda və ölkə hüdudlarından kənarda genişlənən fəaliyyətini nəzərə alaraq, müasir biliklərə yiyələnən, ingilis dilli mühəndis kadrları hazırlamaqdır.

Görüş çərçivəsində “Statoil- Azərbaycan” Şirkəti və Bakı Ali Neft Məktəbi arasında “Neft-qaz” mühəndisliyi və “Kimya muhəndisliyi” ixtisasları üzrə tədris fənlərinə aid inglis dilində ədəbiyyat təminatı, hər ixtisas üzrə gələcəkdə iki tələbəninin müəllim kimi Bakı Ali Neft Məktəbində işləməsi şərti ilə Norveç universitetlərində dokturanturaya (PHD) göndərilməsi və Statoil Şirkətinin Azərbaycanda fəaliyyət göstərən və xaricdən gələn müxtəlif mütəxəssislərinin BANM tələbələri qarşısında məruzələrlə çıxış etmələri haqqında razılıq əldə olunub.