Sosial

Ana səhifə

Sosial

Akademik Budaq Budaqovla vida mərasimi keçirilir

02 noyabr 2012 12:28 (UTC +04:00)

Bakı. Kəmalə Quliyeva - APA. Azərbaycan Milli Elmlər Akademiyasının (AMEA) Rəyasət Heyətində akademiyanın Coğrafiya İnstitutunun direktoru, akademik Budaq Budaqovla vida mərasimi keçirilir. APA-nın xəbərinə görə, vida mərasimində AMEA prezidenti Mahmud Kərimov çıxış edib. M. Kərimov B. Budaqovun bioqrafiyası barədə danışıb.

AMEA prezidenti B. Budaqovun Azərbaycanın təbii və antropogen landşaftını, orada baş verən səhralaşmanı, landşaftın geokimyasını öyrəndiyini, ilk dəfə Azərbaycanda təbii-dağıdıcı hadisələrin intensivliyinə görə ekoloji-coğrafi şəraiti tədqiq etdiyini vurğulayıb. M. Kərimov deyib ki, mərhum akademik aerokosmik üsullarla Böyük və Kiçik Qafqazın şərq hissəsinin morfostruktur quruluşunun qanunauyğunluqları və landşaftın differensiasiyası müəyyənləşdirib. İlk dəfə Şərqi Avropada və Asiyada türk mənşəli Ermənistan və Gürcüstanda isə Azərbaycan mənşəli toponimləri öyrənib.

Coğrafiya İnstitutunun direktor müavini Ramiz Məmmədov mərhumun beynəlxalq miqyaslı alim olduğunu, Azərbaycanda landşaft məktəbini yaradıcısı, geomorfologiyanın banisi olduğunu deyib: “Budaq Budaqov Azərbaycanda səhralaşma probleminin ilk tədqiqatçılarından birdir. Coğrafiya sahəsində mövcud olan bütü dərsliklərə görə ona borcluyuq”.

Vida mərasimində dövlət və hökumət nümayəndələri iştirak edir.

Mərhum akademik II Fəxri xiyabanda dəfn olunacaq.

Qeyd edək ki, Budaq Budaqov dünən günorta saatlarında dünyasını dəyişib.

Budaq Budaqov _ vida