Sosial

Ana səhifə

Sosial

Qadınlarla bağlı yeni layihəyə start verilib

05 noyabr 2012 09:28 (UTC +04:00)

Bakı. Könül Kamilqızı – APA Bu gün Almaniya Beynəlxalq Əməkdaşlıq Cəmiyyəti ilə birlikdə Azərbaycan Bələdiyyə Şuralarının qadın üzvləri üçün DAYAQ Mentorluq Proqramının açılış konfransı keçirilib. APA-nın xəbərinə görə, tədbirdə Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, Almaniyanın Azərbaycandakı səfiri Herbert Kvelle, qadın bələdiyyə üzvləri, qeyri-hökumət təşkilatlarının nümayəndələri və digərləri iştirak edib.

Tədbiri giriş söz ilə açan S.Qəhrəmanova bildirib ki, DAYAQ Mentorluq Proqramının məqsədi bələdiyyə üzvü seçilmiş qadınların təcrübələrinin, bilik və bacarıqlarının, həmçinin özlərinə inamlarının artırılmasıdır. Onun sözlərinə görə, qadınların cəmiyyətdə aktuallığı bütün zamanlarda ən aktual məsələlərdən biri hesab olunur. Bütün dünyada olduğu kimi Azərbaycan da qadın fəallığının və onların cəmiyyətdə sayının artırılması istiqamətində mühüm işlər görülür: “Təbii ki, bu işdə qadınların özündən də çox şey asılıdır. Bu gün cəmiyyətdə qadınlara nisbətən hansısa kişinin gördüyü iş tez nəzərə çarpmır. Ancaq qadınlar nəyisə səhv etdikdə bu tez hiss edilir və tənbeh olunur. Buna görə qadınlar işlərinə daha məsuliyyətli olmalı və gördükləri işlərə cavabdehlik daşımalıdır”.

Almaniyanın Azərbaycandakı səfiri Herbert Quele də Azərbaycanda qadınlarla bağlı bir sıra layihələr icra olunduğunu və bunlara Almaniya hökumətinin də dəstək verdiyi deyib. O bildirib ki, səfir fəaliyyətinə başladığı dövrdən Azərbaycana Almaniyanın gözü ilə baxır: “Bu gün Almaniyada da qadınların cəmiyyətdə iştirakı ilə bağlı vəziyyət 50 faizdən xeyli aşağıdır. Hər iki ölkənin qadınlarının ictimai-siyasi həyatda, qərarvermə prosesində iştirakı ilə bağlı müəyyən problemlər var. İnanıram ki, bunların həlli istiqamətində də gələcəkdə birgə tədbirlər və layihələr icra olunacaq”.

Konfransın davamında Avropanın Siyasət və Biznes Qadınları Akademiyasının baş məsləhətçisi Manuela Möller, BDU-nun Gender və tətbiqi psixologiya kafedrasının müdiri Rəna İbrahimbəyova və başqaları məruzə ilə çıxış edib və qarşılıqlı fikir mübadiləsi aparıblar.

qadınlar layihə