Bakı. Kəmalə Quliyeva - APA. Azərbaycan Milli Elmlər Akademiyasının (AMEA) elmi müəssisələrində ali məktəblərin baza kafedraları yaranacaq.
APA-nın xəbərinə görə, bu barədə AMEA Rəyasət Heyətinin Yer Elmləri Bölməsinin illik hesabatı ilə əlaqədar iclasında qərar verilib.
AMEA-nın vitse-prezidenti, Geologiya İnstitutunun direktoru Akif Əlizadə bildirib ki, Akademiyada magistraturanın yaradılması zəruridir. Lakin hələlik bu məsələ öz həllini tapmayıb: “Lakin Akademiya təhsilsiz inkişaf edə bilməz. Ona görə də biz qərar qəbul etmişik ki, bakalavr və magistrləri Geologiya İnstitutunda işə götürək. Hazırda Geologiya İnstitutunda 20 bakalavr-magistr çalışır. Onların diplom işləri AMEA-nın elmi istiqamətlərinə uyğun verilir. Geologiya İnstitutunda Azərbaycan Dövlət Neft Akademiyasının (ADNA) baza kafedrası yaradılıb. Bu baza kafedralarının digər institutlarda da yaradılması AMEA-nın ümumi inkişafına kömək edəcək”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
