Bakı. Kəmalə Quliyeva - APA. Azərbaycanda əqli mülkiyyət üzrə Dövlət Proqramı və Milli Strategiya hazırlanacaq. Bunu APA-ya Müəllif Hüquqları Agentliyinin (MHA) hüquq şöbəsinin müdiri Xudayat Həsənli bildirib.
Onun sözlərinə görə, bu, “Azərbaycan 2020: Gələcəyə baxış” İnkişaf Konsepsiyasında əks olunub. Konsepsiyada əqli mülkiyyət, onun əsas qolu olan müəlliflik hüququ və əlaqəli hüquqların inkişaf etdirilməsi, müdafiəsi, eyni zamanda qeyri-maddi irsin qorunması ilə əlaqədar konkret müddəalar əks olunub. Bununla bağlı hazırda Agentlikdə bir sıra təkliflər üzərində iş aparılır.
X.Həsənli deyib ki, 2020-ci ilə qədər Azərbaycanda yaradıcılığın, innovasiyaların stimullaşdırılması üçün xüsusi tədbirlər həyata keçiriləcək. Yaradıcılığa investisiya qoyulması üçün əlverişli şəraitin yaradılması, əqli mülkiyyətə əsaslanan kreativ iqtisadiyyatın davamlı inkişafı və ÜDM-də onun payının artırılması da həyata keçiriləcək tədbirlər sırasındadır. MHA-da ÜDM-də əqli mülkiyyətə əsaslanan sənayenin payını müəyyən etmək üçün hökumət qərarının layihəsi işlənib. Bu qərar layihəsi İnkişaf Konsepsiyası nəzərə alınmaqla bir daha təkmilləşdiriləcək.
Konsepsiyada 2020-ci ilədək İKT və əqli mülkiyyətin qarşılıqlı əlaqəsini inkişaf etdirmək üçün rəqəmli hüquqların idarəetmə sisteminin yaradılması da nəzərdə tutulub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
