Bakı. Əli Əhmədov – APA-Economics. Azərbaycanda ümumi işsizlik statusu alan vətəndaşların sayı 31 min nəfərdir. «APA-Economics»in məlumatına görə, bunu Əmək və Əhalinin Sosial Müdafiəsi Nazirliyi Dövlət Məşğulluq Xidmətinin əmək bazarının təhlili və statistika şöbəsinin müdiri İsa Həsənov bildirib.
O həmçinin qeyd edib ki, ötən il ölkənin özəl sektorunda çalışanların sayı xeyli artıb. Bu rəqəm 2000-ci ildə dövlət sektorunda 33,2 % təşkil edirdisə, 2012-ci ildə bu göstərici 26,1%-ə enib: «Rəqəmdə də göstərildiyi ki, özəl sektorda çalışanların sayı xeyli artıb».
Ümumilikdə, özəl sektorda çalışanların sayı 73,9%-ə qədər yüksəlib.
İ.Həsənov bildirib ki, 2011-ci ildə Azərbaycanda muzdla işləyən vətəndaşların sayı 1,387 mln. nəfər təşkil edirdisə, bu da məşğul əhalinin sayının 37%-nə bərabər olub. Bu sahədə də qeyri-leqal məşğulluq qeyri-rəsmi çalışanlarda müşahidə edilib və bunun müəyyən qədər qarşısı alınıb. Nəticədə, 2012-ci ildə muzdla işləyən vətəndaşların sayı 1,600 mln. nəfərə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
