Bakı. Əli Əhmədov – APA-Economics. Azərbaycanın 2013-cü ilin dövlət büdcəsində dövlət əsaslı xərclərinin payı 45,5%, icmal büdcəsində isə 20% təşkil edir. «APA-Economics»in məlumatına görə, bunu maliyyə naziri Samir Şərifov bu gün parlamentdə gələn ilki büdcənin layihəsi ilə bağlı keçirilən son müzakirələrdə bildirib: «Bu, böyük rəqəmdir və Azərbaycan büdcəsinin prioritetlərini göstərir».
Maliyyə naziri bildirib ki, investisiya xərclərinin artırılmasına baxmayaraq, sosial xərclərdə heç bir azalma baş verməyib: «Yəni, onlar 2013-cü ildə də artacaq. Söhbət elm, təhsil, səhiyyə və sosial təminat sahələrindən gedir».
Uşaq bağçalarında ərzaq xərcləri ilə bağlı deputatların suallarına cavab verən S.Şərifov qeyd edib ki, bu sahədə işlər aparılır - xərclər artırılıb və bu proses davam edəcək: «Amma onlara nəzarət də güclənəcək. Həm mərkəzdə, həm də yerlərdə».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
