Bakı-APA. “Azərbaycan Respublikası Prezidentinin 29 dekabr 2012-ci il tarixli Fərmanı ilə Gənclər Fondunun Əsasnaməsinə dəyişikliklər edilib, Fondun Müşahidə Şurasının formalaşdırılmasının yeni qaydaları müəyyənləşdirilib. Müşahidə Şurasının beş üzvü müvafiq dövlət orqanlarını, dördü isə gənclər təşkilatlarını təmsil edəcək. Gənclər təşkilatlarını təmsil edən dörd üzv həmin təşkilatların yığıncağında səslərin sayına görə ilk səkkiz yeri tutmuş namizədlər sırasından seçiləcək və Azərbaycan Respublikasının Prezidenti tərəfindən təyin ediləcək. Yığıncaqda iştirak etmək və namizədləri irəli sürmək üçün gənclər təşkilatları yanvarın 24-dək Azərbaycan Respublikasının Prezidenti yanında Gənclər Fonduna ərizə ilə müraciət edə bilərlər”.
Bu barədə APA-ya Gənclər Fondundan daxil olan məlumatda bildirilir. Məlumata görə, ərizədə gənclər təşkilatı öz nümayəndəsi haqqında məlumat verməlidir. İrəli sürülən namizəd “Azərbaycan Respublikasının Prezidenti yanında Gənclər Fondu haqqında Əsasnamə”nin müvafiq bəndlərinin tələblərinə uyğun olmalıdır. Namizədi irəli sürmüş gənclər təşkilatları müvafiq ərizəni və anket məlumatlarını Gənclər Fonduna təqdim etməlidir. Gənclər təşkilatlarının yığıncağının keçirilmə tarixi və yeri haqqında əlavə məlumat veriləcək. Qeyd olunub ki, ərizə və anket formalarını Gənclər Fondunun www.youthfoundation.az saytından əldə etmək olar. Nümayəndələrin və namizədlərin siyahısı seçkilərin keçirilməsindən bir neçə gün əvvəl qeyd olunan saytda yerləşdiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
