Bakı. Könül Kamilqızı - APA. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 80-240, Kiçik Qafqazın çaylarında 80-160, Lənkəran-Astara bölgəsi çaylarında 20-160, Naxçıvan MR çaylarında isə 50 faizini təşkil edir.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən xəbərə görə, yanvarın 25-də Kür çayının Qıraqkəsəmən məntəqəsində suyun səviyyəsində 3 sm artım qeydə alınıb. Hazırda məntəqədə su sərfi 140 m3/s, ongünlük normanın 89 faizini təşkil edir.
Yanvarın 25-də Qanıx çayının Əyriçay məntəqəsində suyun səviyyəsində dəyişiklik 2 sm artım müşahidə olunub. Hazırda məntəqədə su sərfi 64 m3/s olmaqla ongünlük normanın 96 faizini təşkil edir.
Son 3 gün ərzində Kür çayının aşağı axınında suyun səviyyəsində əsasən azalma müşahidə olunub. Belə ki, Kür çayının Surra məntəqəsində 13 sm, Şirvanda 23 sm, Bankədə 4 sm azalma, Salyanda 21 sm, Araz çayının Novruzlu məntəqəsində isə 10 sm artım qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
