APA-nın xəbərinə görə, bu barədə Tələbə Qəbulu üzrə Dövlət Komissiyasının (TQDK) Ali təhsil üzrə yoxlama-ölçmə materiallarının işlənməsi şöbəsinin müdiri Natiq Əliyev keçirdiyi mətbuat konfransında məlumat verib.
O bildirib ki, ali məktəblərin magistraturalarına qəbul olmaq istəyən bakalavrlar fevralın 11-də 21-dək “Bakalavrın elekron ərizə” formasını doldurmalıdır. N.Əliyevin sözlərinə görə, bakalavrlar fevralın 12-dən 22-dək şənbə və bazar günləri istisna olmaqla saat 09:00-dan 17:00-dək ərizələrini təsdiq etdirməlidirlər: “Bu ilin məzunları “Bakalavrın elektron ərizə” formasını bitirdikləri ali məktəblərdə yaradılmış Sənəd Qəbulu Komissiyasında (SQK) təsdiq etdirməlidirlər. Ali məktəblərin əvvəlki illərinin məzunları, nəzdində SQK-lar fəaliyyət göstərməyən ali məktəblərin məzunları “Bakalavrın elektron ərizə” forması ali təhsil müəssisələrində yaradılmış SQK-ların istənilən birində təsdiq etdirə bilərlər. Xarici ölkələrdə ali təhsil almış Azərbaycan vətəndaşları “Bakalavrın elektron ərizə” formasını TQDK-da yaradılmış SQK-da təsdiq etdirməlidirlər”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
