Zaqatala. Vüqar Heydərov - APA. Zaqatalanın Əliabad kəndində son iki ayın maaşını ala bilməyən bir qrup fəhlə öz narazılığını bildirib.
APA-nın Şəki-Zaqatala bürosunun məlumatına görə, kənddəki tikintidə çalışan bir qrup fəhlə hazırda tikilməkdə olan məktəbin həyətinə toplaşaraq, kənddə tikinti işləri aparan “Xəzər” MMC-nin nümayəndələrindən maaşlarını tələb edib.
Hadisə yerinə Zaqatala rayon Polis Şöbəsinin rəis müavini Yaşar Hüseynov və işi icra edən “Xəzər” MMC-nin nümayəndələri də gəlib.
Kənddə tikinti işlərini həyata keçirən “Xəzər” MMC-nin iş icraçısı Oqtay Nəcəfov isə APA-ya açıqlamasında bildirib ki, tikintiyə başlayandan bu günə kimi usta və fəhlələrin pulları mərhələli şəkildə ödənilib: “Son günlər pulların verilməsində bir az gecikmə olub. Sizi əmin edirəm ki, 3 gün ərzində hamının pulu ödəniləcək”.
Danışıqlardan sonra fəhlələr dağılışıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
