Bakı-APA. ABŞ dövlət katibi Con Kerri gələn həftə Moskvaya səfər edəcək.
APA-nın məlumatına görə, bu barədə ABŞ Dövlət Departamentinin yaydığı açıqlamada deyilir.
“Dövlət katibi Con Kerri martın 22-25-də Moskvaya səfər edərək Rusiya rəsmiləri ilə görüşəcək. Danışıqlarda “Suriyaya dəstək” qrupunun atəşkəs rejimi ilə bağlı səyləri, ölkədəki siyasi vəziyyət, humanitar yardımın çatdırılması ilə bağlı məsələlər və İŞİD-lə mübarizə müzakirə olunacaq”, məlumatda qeyd olunur.