Moskva. Fərid Əkbərov – APA. Rusiya və Suriya prezidentləri arasında telefon danışığı olub.
APA-nın Moskva müxbirinin verdiyi məlumata görə, Vladimir Putin və Bəşər Əsəd Suriya münaqişəsinin nizamlanmasını, ABŞ və Rusiya arasında imzalanan Suriyada atəşkəsin tətbiq olunmasına dair bəyanatı müzakirə ediblər. Bəşər Əsəd məlum bəyanatın münaqişənin siyasi yolla həlli istiqamətində atılan vacib addım olduğunu deyib. O, Suriya hökumətinin atəşkəsin tətbiq olunmasına yardım etməyə hazır olduğunu bildirib.
Bununla yanaşı, Putin və Əsəd İŞİD, “Cəbhət ən-Nüsra” və digər terrorçu qruplaşmalara qarşı güzəştsiz mübarizənin davam etdirilməsinin vacibliyini də vurğulayıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
