Bakı. Yeganə Laçınzadə - APA-Economics. İyulun 25-dən 27-dək inkişaf etməkdə olan ölkələrin valyutaları müxtəlif istiqamətlərdə dəyişib. Ümumilikdə, buna Federal Ehtiyatlar Sisteminin (FED) iclasından gözləntilər səbəb olub.
"APA-Economics" xəbər verir ki, "Alpari" şirkətinin analitikləri bu cür qənaətə gəlib.
Analitiklər bildirir ki, qeyd edilən dövr ərzində Türkiyə lirəsi dollara nisbətən 0,73%, Çin yuanı 0,24%, Ukrayna qrivnası isə 0,12% möhkəmlənib. Həmin müddət ərzində ABŞ-ın milli valyutasına nisbətən Rusiya rublu 1,3%, Azərbaycan manatı isə 1,06% zəifləyib. Dollara qarşı ən çox ucuzlaşan Qazaxıstan təngəsi olub - 2,89%.
Analitiklər bildirir ki, manatın ucuzlaşmasının əsas səbəbi yenə neftin qiymətinin aşağı olmasıdır. Bununla yanaşı, Dağlıq Qarabağda vəziyyətin qeyri-stabil olması valyuta treyderlərinin narahatlığına səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
