Bakı-APA. İsveçrənin Davos şəhərində Ukrayna prezidenti Pyotr Poroşenko ilə ABŞ-ın vitse-prezidenti Cosef Bayden arasında görüş olub.
APA-nın “Interfaks” agentliyinə istinadən verdiyi məlumata görə, bu barədə Ukraynanın dövlət başçısı jurnalistlərə açıqlamasında bildirib.
“Ayrıca vitse-prezidentlə Ukraynada Konstitusiya islahatlarının “yol xəritəsi”ni müzakirə etdik”, deyə P.Poroşenko vurğulayıb.
Onun sözlərinə görə, görüş əsnasında tərəflər siyasi prosesi fəallaşdırmaq istiqamətində mövqelərini əlaqələndiriblər. O cümlədən Donbasda keçiriləcək seçkilərin Ukrayna qanunvericiliyinə uyğun olaraq və beynəlxalq müşahidəçilərin geniş iştirakı ilə keçirilməsinin vacibliyini vurğulayıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
