Noyabrın 30-da Vyanada, OPEC-ə üzv ölkələrin sayca 171-ci görüşündə təşkilatın uzunmüddətli strategiyasına baxılacaq.
APA-Economics-in xəbərinə görə, bu barədə təşkilatın yaydığı açıqlamada bildirilir.
“Sənəddə üç əsas məqsəd müəyyən ediləcək, energetika sahəsində mümkün ssenarilər və təşkilatın qarşısında duran əsas məsələlərə toxunulacaq" – məlumatda deyilir.
Sənədin məzmunu açıqlanmır, lakin bundan əvvəlki versiyalarda uzunmüddətli perspektivdə neftin qiyməti ilə bağlı proqnoz verilir, neft bazarının sabitləşməsinə dair təkliflər yer alırdı.
Qeyd edək ki, OPEC-in noyabr sammitində həmçinin neft hasilatının məhdudlaşdırılmasına dair yekun qərarın veriləcəyi gözlənilir.