Türkiyə xarici işlər naziri Mövlud Çavuşoğlu və Misir xarici işlər naziri Samih Şükrü arasında telefon danışığı olub.
APA-nın Anadolu agentliyinə istinadən verdiyi məlumata görə, telefon danışığı M. Çavuşoğlunun təşəbbüsü ilə baş tutub və Qüdsdə Əl-Aksa məscidi ilə bağlı məsələ müzakirə olunub.
Bu, Misirdə prezident Məhəmməd Mursinin devrilməsindən sonra iki ölkə arasında yüksək səviyyəli ilk təmasdır.
Qeyd edək ki, M. Çavuşoğlu Əl-Aksa məscidi ilə bağlı dünən Pakistan, İordaniya və Özbəkistan xarici işlər nazirləri ilə müzakirə aparıb.