Futbol

Ana səhifə

Futbol

Azərbaycan Premyer Liqasının son 10 ilində ən çox oyun keçirən qapıçılar müəyyənləşib

07 yanvar 2020 09:46 (UTC +04:00)

Azərbaycan Premyer Liqasının son 10 ilində həm müsbət, həm mənfi mənada fərqlənən qapıçıların adları məlum olub.

Apasport.az saytının 2010-19-cu illəri əks etdirən dövrlə bağlı araşdırmalarına görə, ən çox oyun keçirən, qapısında daha çox top görən qapıçılar müəyyənləşib.

Həmçinin orta göstəricilərdə ən etibarlı qolkiperlərin və etimadı doğrultmayanlar bəlli olub.

Səlahət Ağayev oyun sayında qapıçılar arasında vahid liderdir – 190 matç. Anar Nəzirov (170) 2-ci, Kamran Ağayev (152) 3-cüdür. Ən çox görüşə çıxan legioner qolkiper Saşa Stamenkoviçin hesabında 135 oyun var. İlk “beşliy”i Orxan Sadıqlı qapayır – 128 matç.

Ən çox qol buraxan isə Nəzirovdur. O, müxtəlif komandalarda üst-üstə 209 top buraxıb. İlk “üçlük”də Səlahət Ağayevlə (179) Orxan Sadıqlı (168) da var. Aqil Məmmədov 166, Kamal Bayramov 156 dəfə topu qapısında görüb.

Bayramov heç də ən çox oyun keçirənlər sırasında olmasa da, öz rekordu ilə diqqət çəkir. O, son 10 ildə 6 klubun formasını geyinib. Bunlar “Turan”, “Xəzər Lənkəran”, “Rəvan”, AZAL, “Zirə” və “Səbail”dir. Amma bu göstəricidə Kamalı da arxada qoyan kifayət qədər sahə oyunçusu da var. Lakin bu, tam ayrı mövzudur.

Əslində, qapıçıların buraxdığı qol sayı heç də reallığı əks etdirmir. Çünki daha çox qol buraxanlar əsasən matç sayında öndə olmalardır. Ona görə də orta hesabla hər matçda buraxılan top sayına nəzər salaq. Bunun üçün orta hesabla ildə heç olmasa 2 oyuna çıxan – yəni onillikdə 20 matç keçirənlərin göstəricilərinə baxmaq maraqlıdır.

Belə qapıçıların sayı 38-dir. Ən etibarlı qapıçı “Neftçi”nin sabiq legioneri litvalı Paulius Qribauskasdır. İkinci sırada “Qarabağ”ın sabiq əlcək sahibi İbrahim Şehiç, üçüncü pillədə “Bakı”da oynamış Edin Nuredinoskidir.

Ümumiyyətlə, ən etibarlı 6 qapıçı legionerdir. İlk “onluq”da isə cəmi 2 yerli qapıçı var.

Ən yaxşı azərbaycanlı qapıçı Rauf Mehdiyevdirsə, Kamran Ağayev “onluq”dakı digər təmsilçimizdir.

Müqayisə üçün Azərbaycan millisinin indiki qapıçılarından – son dövrlər komandaya çağırılanlardan Səlahət Ağayev 14-cü, Şahrudin Məhəmmədəliyev 23-cü, Emil Balayev 25-ci, Mehdi Cənnətov 32-cıdlr.

Orta hesabla ən çox top buraxan Elxan Əhmədovdur. Lukas Sapela bu göstəricidə 2-cidir. Bu iki qolkiper kimi Adnan Hodziçlə Rəşad Əzizli də hər matçda 1,5-dən çox qola üzülüb.

Ən azı 20 oyun keçirənlər

1	Paulius Qribauskas	23	-10	-0,43
2	İbrahim Sehiç	119	-67	-0,56
3	Edin Nuredinoski	24	-15	-0,63
4-5	Georgi Lomaya	117	-83	-0,71
	Boyan Pavloviç	38	-27	-0,71
6	Dmitri Bezotosnı	117	-84	-0,72
7-8	David Pietrzkieviç	40	-34	-0,85
	Rauf Mehdiyev	40	-34	-0,85
9	Kamran Ağayev	152	-135	-0,89
10	Marko Şarliya	62	-56	-0,90
11	Pavel Kapsa	57	-52	-0,91
12-13	Pavel Doroşev	72	-67	-0,93
	Dmitri Kramarenko	29	-27	-0,93
14	Səlahət Ağayev	190	-179	-0,94
15	Fərhad Vəliyev	125	-119	-0,95
16-17	Amil Ağacanov	49	-51	-1,04
	Stanislav Namaşko	68	-71	-1,04
18-19	Edis Kurtanoviç	26	-28	-1,08
	Dieqo Kosta	25	-27	-1,08
20-21	Saşa Stamenkoviç	135	-147	-1,09
	Cahangir Həsənzadə	89	-97	-1,09
22	Tadas Simaitis	53	-60	-1,13
23	Şahruddin Məhəmmədəliyev	59	-67	-1,14
24	Elşən Poladov	30	-36	-1,20
25	Emil Balayev	46	-56	-1,22
26	Anar Nəzirov	170	-209	-1,23
27	Ruslan Məcidov	42	-52	-1,24
28-29	Kamal Bayramov	119	-156	-1,31
	Orxan Sadıqlı	128	-168	-1,31
30	Davud Kərimi	81	-113	-1,40
31	Aqil Məmmədov	117	-166	-1,42
32	Mehdi Cənnətov	39	-56	-1,44
33	Vyekoslav Tomiç	20	-29	-1,45
34	Andrey Popoviç	80	-119	-1,49
35-36	Adnan Hodziç	42	-64	-1,52
	Rəşad Əzizli	42	-64	-1,52
37	Lukaş Sapela	43	-76	-1,77
38	Elxan Əhmədov	32	-60	-1,88