Qəbələdə çayda köməksiz vəziyyətdə qalan şəxs xilas edilib.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Böhran Vəziyyətlərində İdarəetmə Mərkəzinə daxil olmuş məlumata əsasən, Qəbələ rayonu, Laza kəndi ərazisində çayı keçərkən 1 nəfər köməksiz vəziyyətdə qalıb.
Dərhal Şimal-qərb Regional Mərkəzinin xilasediciləri hadisə yerinə cəlb olunaraq vətəndaşı təhlükəsiz əraziyə çıxarıblar.