Qeysriyyə əməliyyatına göstərişlərin sayının artması perinatal diaqnostikanın inkişaf etməsindən asılıdır.
APA-nın xəbərinə görə, Səhiyyə Nazirliyi Mamalıq və Ginekologiya İnstitutunun mamalıq bölməsinin böyük elmi işçisi Fatimə Hacıyeva bildirib ki, əvvəllər perinatal diaqnostika zəif olub, getdikcə hamiləlik dövründə müxtəlif patalogiyaların aşkarlanması, perinatal skrininqlərin genişlənməsi qeysəriyyə kəsiyi əməliyyatına göstərişlərin sayını artırıb.
F. Hacıyeva qeyd edib ki, hamiləlik dövründə ana və döldə hansısa problem olduqda proses mütləq əməliyyatla tamamlanmalıdır: “Gənc yaşlarda hamilə qalmaq hamiləlik, doğuş və ondan sonrakı dövrdə fəsadlar yarada bilər. Qadınlarda hamiləlik zamanı daha çox preklamsiya, şəkərli diabet, arterial hipertenziya kimi patalogiyalar müşahidə edilir. Azərbaycanda mama-ginekologiya sahəsində əsas problem kimi antenatal qulluğun səviyyəsinin artırılmasını göstərmək olar”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
