Bakı. Şəhriyar Əlizadə - APA. Şamaxıda ölümlə nəticələnən yol-nəqliyyat hadisəsi baş verib.
APA-nın DİN-in saytına istinadən verdiyi məlumata görə, mayın 9-da saat 19 radələrində Şamaxı rayonunun Pirsaat qəsəbəsində Qobustan rayon sakini Hidayət Əmirəliyev idarə etdiyi “VAZ-21074” markalı avtomobili yolun kənarında dayanmış “DAF” markalı avtomobilə vurub. Nəticədə H.Əmirəliyevin sərnişinlərindən Sumqayıt şəhər sakini Ramin Əsgərov hadisə yerində ölüb, özü və digər sərnişini xəstəxanaya yerləşdirilib.
BDYPİ tərəfindən araşdırma aparılır.