Bakı-APA. Şimali Koreyada daşqınlar nəticəsində ölənlərin sayı 133 nəfərə çatıb.
APA-nın “AFP” agentliyinə istinadən verdiyi xəbərə görə, daha 400 nəfər itkin düşmüş hesab edilir.
Məlumata əsasən, ölkədə yağan aramsız yağışlar səbəbindən Tumanqan çayı məcrasından çıxaraq daşqınlar əmələ gətirib.
BMT-nin Humanitar Məsələlərin Əlaqələndirilməsi İdarəsinin məlumatına görə, 107 minə yaxın insan öz evini tərk etmək məcburiyyətində qalıb.