Xaçmaz. Vəli Turan - APA. Bu gün Xaçmaz şəhərində yanğın baş verib.
APA-nın şimal bürosunun verdiyi məlumata görə, yanğın köhnə konserv zavodunun həyətində başlayıb.
Nəticədə 2 hektar ərazidə quru kol-kos yanıb. Yanğının söndürülməsi üçün əraziyə Xaçmaz Dövlət Yanğından Mühafizə Hissəsinin iki yanğınsöndürən maşını və canlı qüvvəsi cəlb olunub. Alovun daha geniş əraziyə yayılmasının qarşısı alınıb.
FHN-in mətbuat xidmətindən APA-ya bildirilib ki, hadisə nəticəsində yalnız quru kol-kos yanıb, yanğının yaxınlıqdakı binalara keçməsinin qarşısı alınıb, tikililərdə hər hansı yanğın baş verməyib.
Yanğının başvermə səbəbləri araşdırılır.