Qarabağ kanalında meyiti tapılan qadının kimliyi məlum olub. APA-nın yerli bürosunun xəbərinə görə, qadın 1938-ci il təvəllüdlü Rəsulova Nərgiz Əli qızıdır.
N. Rəsulova Qoyunbinəsi kənd sakinidir. Onun ruhi xəstə olduğu bildirilir.
İlkin ehtimala görə, N. Rəsulova intihar edib.
***
11:03
Yuxarı Qarabağ kanalının Yevlax rayonunun Kolanı kəndi ərazisindən keçən hissəsində qadın cəsədi aşkarlanıb.
APA-nın Fövqəladə Hallar Nazirliyinin saytına istinadən verdiyi məlumata görə, Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu hadisə yerinə cəlb olunub.
Cəsəd sudan çıxarılaraq aidiyyəti üzrə təhvil verilib.