APA-nın qərb bürosunun verdiyi məlumata görə, hadisə rayonun Əlimərdanlı kəndində qeydə alınıb. Kənd sakini, 1986-cı il təvəllüdlü Aydın İmaməliyev Kür çayı sahilində özünə məxsus əkin sahəsində iş görərkən ilan onun sağ ayağının topuq nahiyəsindən sancıb. Yaralı dərhal Tovuz Mərkəzi Rayon Xəstəxanasına yerləşdirilib. Vəziyyəti ağır olduğu üçün zərərçəkən Bakıdakı xəstəxanalardan birinə aparılacaq.
Qeyd edək ki, son iki ayda Tovuzda 11 nəfəri ilan sancıb. Hadisələrin əksəriyyəti əkin sahəsində işləyərkən baş verib.