Bakı. Musa Əhmədov - APA-Economics. Gürcüstan Milli Statistika Bürosu Bu ilin II rübündə ölkəyə yatırılan birbaşa xarici investisiyaların həcmini açıqlayıb.
“APA-Economics” Gürcüstan KİV-lərinə istinadən xəbər verir ki, bu ilin I yarısında Gürcüstana 355 mln. ABŞ dolları həcmində xarici investisiya cəlb olunub. Bu, ötən ilin müvafiq dövründəkindən 81% çoxdur.
Əsas investor ölkələr arasında Gürcüstana birbaşa xarici sərmayənin həcminə görə Azərbaycan liderdir. Belə ki, qonşu ölkəyə yatırılan birbaşa xaric sərmayənin 45%-i Azərbaycanın payına düşüb. Başqa sözlə, bu ilin iyulun 1-nə Azərbaycan Gürcüstana 159,75 mln. ABŞ dolları həcmində investisiya yatırıb.
Birbaşa xarici investisiyaların həcminə görə, siyahıda Azərbaycandan sonra ikinci yerdə 19%-lik payla Norveç, üçüncü yerdə 12%-lik payla Türkiyə dayanıb.