Xarici siyasət

Ana səhifə

Xarici siyasət

Azərbaycanın XİN başçısı AI-nin Cənubi Qafqaz üzrə xüsusi nümayəndəsi ilə görüşüb

19 aprel 2026 03:22 (UTC +04:00)

18 aprel tarixində Azərbaycan Respublikasının xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Maqdalena Qrononu qəbul edib.

Görüş zamanı, Azərbaycan-Avropa İttifaqı (Aİ) əməkdaşlığının cari vəziyyəti və perspektivləri, Azərbaycan-Ermənistan normallaşma prosesi, habelə regional və beynəlxalq məsələlər müzakirə olunub.

Azərbaycan və Aİ arasında siyasi, iqtisadi, nəqliyyat, enerji təhlükəsizliyi və s. istiqamətlər üzrə əməkdaşlıq məsələləri, əməkdaşlıq platformaları və alətləri üzrə əldə edilmiş razılıqlar, habelə növbəti addımlar nəzərdən keçirilib.

APA xəbər verir ki, bu barədə Azərbaycan Xarici İşlər Nazirliyi məlumat yayıb.

Avropa İttifaqı Şurasının Prezidenti Antonio Koştanın ölkəmizə səfəri zamanı aparılmış müzakirələrin, Azərbaycan-Avropa İttifaqı arasında mümkün əməkdaşlıq mexanizmlərinin, yeni ikitərəfli saziş üzrə danışıqların bərpasının və Tərəfdaşlıq Prioritetləri sənədi üzrə müzakirələrin əhəmiyyəti vurğulanıb.

Görüşdə Azərbaycan-Ermənistan normallaşma və sülh prosesi, habelə qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

***
20:46

Azərbaycanın xarici işlər naziri Ceyhun Bayramov V Antalya Diplomatiya Forumu çərçivəsində Avropa İttifaqının Cənubi Qafqaz üzrə xüsusi nümayəndəsi Magdalena Qrono ilə görüşüb.

APA xəbər verir ki, bu barədə XİN-in “X” hesabında bildirilib.

Tərəflər regionda dialoq və əməkdaşlığın inkişafı, xüsusilə Ermənistan–Azərbaycan normallaşma prosesi ilə bağlı fikir mübadiləsi aparıblar.

Tərəflər davamlı diplomatik təmasların əhəmiyyətini vurğulayaraq, sülh danışıqları çərçivəsində əldə olunmuş irəliləyişləri qeyd ediblər.

Eyni zamanda, hərtərəfli və dayanıqlı sülh sazişinə nail olunması istiqamətində mövcud dinamikanın qorunmasının vacibliyi diqqətə çatdırılıb.

Görüşdə, həmçinin Azərbaycan ilə Avropa İttifaqı arasında əməkdaşlığın genişləndirilməsi imkanları da müzakirə olunub. Həmçinin enerji təhlükəsizliyi, nəqliyyat əlaqələri və iqtisadi tərəfdaşlıq sahələrində Azərbaycan–Avropa İttifaqı əməkdaşlığının genişləndirilməsi imkanları nəzərdən keçirilib və davamlı qarşılıqlı fəaliyyətin önəmi qeyd olunub.