Xarici siyasət

Ana səhifə

Xarici siyasət

Xankəndidə VII ADA Siyasi Forumu çərçivəsində panel sessiya təşkil olunub - FOTO

08 aprel 2025 17:35 (UTC +04:00)

Xankəndidə VII ADA Siyasi Forumu çərçivəsində "Yeni dünya nizamı: İqtisadi transformasiya və rəqəmsal inqilabdan gözləntilər" mövzusunda panel sessiya təşkil olunub.

APA-nın məlumatına görə, tədbir ADA Universitetinin prorektoru, Milli Məclisin deputatı Fariz İsmayılzadənin moderatorluğu ilə baş tutub.

Astana Beynəlxalq Maliyyə Mərkəzinin rəhbəri, Renat Bekturov deyib ki, zaman-zaman dünyada baş verən iqtisadi proseslər ölkələrin vəziyyətini mürəkkəb hala gətirir:

“Regionun iqtisadi sistemi ölkəmizin iqtisadi inkişafını təşviq edə bilər. Ölkəmizdə qiymətli kağızlar bazarı mövcuddur. Hökumətimiz maliyyə və inkişaf əsaslı iqtisadi siyasət aparmağa cəhd göstərir. Biz bir platforma olaraq bu sahədə hökumətlərə dəstək verə bilərik".

O ölkəsinin nəqliyyat-logistika sahəsində bir sıra müəssisələrin təsis olunmasında iştirak payına sahib olduğunu açıqlayıb:

“Həmin strukturlar Şərqlə Qərbin arasında mövcud olan dəhlizləri inkişafına xidmət edir".

Alman Federal İqtisadi İnkişaf və Xarici Ticarət Assosiasiyasının rəhbəri Urs Unkauf isə, öz növbəsində, forumun önəmini vurğulayaraq bildirib ki, Xankəndi şəhərində keçirilən bu konfrans iştirakçı ölkələr arasında geniş əməkdaşlıq körpülərinin yaradılmasına imkan verəcək:

“Almaniya ilə Azərbaycan arasında mühüm tərəfdaşlıq əlaqələri var. Biz bu münasibətin daha da inkişafında maraqlıyıq. Almaniya həm süni intellekt, həm də rəqəmsallaşma sahəsində mühüm potensiala malikdir. Bu gün bütün ölkələr qlobal dəyişikliklərlə üz-üzə olsa da, biz gələcəyə nikbin baxırıq. Dünyada baş verən dəyişikliklər narahatlıq doğurmaya bilməz. Bu kontekstdə ölkələr arasındakı əməkdaşlığın daha da genişləndirilməsi önəmlidir”.

Urs Unkauf ötən il Azərbaycanın COP29-a ev sahibliyi etməsinə də diqqət çəkərək bunun ölkənin iqlim fəaliyyətinə mühüm töhfə olduğunu qeyd edib

"Azərbaycanın ötən ilin noyabrında COP29-a ev sahibliyi etməsi ölkənizin iqlim məsələsinə mühüm önəm verdiyini göstərir. Almaniya Federativ Respublikası ilə Azərbaycan arasında mühüm əlaqələr var. Biz bu münasibətin daha da inkişafında maraqlıdır. Mənim ölkəmin həm süni intellekt, həm də rəqəmsallaşma sahəsində mühüm potensialı var. Bu gün demək olar ki, bütün ölkələr qlobal dəyişikliklərlə üz-üzədir. Lakin buna baxmayaraq, biz gələcəyə nikbin baxırıq. Hesab edirəm ki, Xankəndi şəhərində keçirilən bu konfrans iştirakçı ölkələr arasında geniş əməkdaşlıq körpələrinin yaradılmasına imkan verəcək. Dünyada baş verən dəyişikliklər narahatlıq doğurmaya bilməz. Bu kontekstdə ölkələr arasındakı əməkdaşlığın daha da genişləndirilməsini vacib sayırıq".

O əlavə edib ki, 2022-ci ildəki böhrandan sonra Cənubi Avropa ölkələri enerji resurslarının əldə edilməsində problemlərlə üzləşdi. Bu kontekstdə nəhəng qaz hasilatçısı kimi Azərbaycanın rolunu önə çıxarıb.

Yunanıstanın Trakya Demokrit Universitetinin professoru Marika Karagianni isə istər dünyada baş kimi böhranların, istərsə də enerji resurslarının tükənməsinin "yaşıl enerji"dən istifadənin önəmini növbəti dəfə göstərdiyini deyib:

"Azərbaycan kimi ölkələrin, eləcə də Misir, Tunis, eləcə də İsrailin alternativ enerji mənbələrinin istehsalı və ixracı sahəsində mühüm potensialı var. Biz hesab edirik ki, Avropada enerji resurslarının diversifikasiyası sahəsində Azərbaycan Avropaya müvafiq marşrutlarla "yaşıl enerji" tədarükündə mühüm rol oynaya bilər. Mərkəzi Asiya və Xəzər regionunda yerləşən ölkələr növbəti dövrlər üçün Avropanın nəhəng və etibarlı enerji təchizatçılarıdır. Mərkəzi və Şimali Avropa ölkələrində də enerji bazarlarının diversifikasiyasına ehtiyac var. Bu addım "yaşıl enerji" resurslarından istifadəni daha da təşviq edəcək".