Azərbaycan millisinin voleybolçusu Polina Rəhimova karyerasını İtaliyada davam etdirməyə yaxındı. Apasport.az saytının məlumatına görə, A seriyasında mübarizə aparan “Kazalmadjore” 28 yaşlı hücumçu ilə danışıqlara start verib.
İtaliyalı həmkarlarımızın yazdığına əsasən, Çempionlar Liqasının qalibi olmuş komanda serbiyalı Yovana Brakoçeviç və kubalı Kenya Karsakeslə razılıq əldə edə bilmədiyi üçün Rəhimovanı heyətinə qatmaqda maraqlıdı. Danışıqların müsbət yekunlaşacağı bildirilir.
“Kazalmadjore” 2017/2018 mövsümün 9-cu pillədə başa vurub.
Qeyd edək ki, Rəhimova “Fənərbaxça”dan ayrıldıqdan sonra klub axtarışındadı.