Bakı. Musa Əhmədov – APA-Economics. “Azərbaycan Sənaye Bankı” ın aktivlərinin həcmi 2015-cü ilin II rübündə 485,680 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 20,13% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 17,03% artaraq 160,223 mln. manat olub.
Həmçinin, cari ilin müvafiq dövründə istehlak kreditlərinin həcmi 19,019 mln. manata çatıb ki, bu da ötən ilin analoji dövrü ilə müqayisədə 21,86% azdır.
Bankın kredit portfelinin strukturunda vaxtı keçmiş kreditlərin həcmi keçən ilin analoji dövrü ilə müqayisədə təxminən 3,70% artaraq 6,565 mln. manat olub.
Bankın depozit portfeli hesabat dövrü ərzində 23,46% artaraq 271,456 mln. manata çatıb. Əhalinin əmanətlərinin həcmi isə 195,180 mln. manata bərabər olub ki, bu da illik müqayisədə 68,59% çoxdur.
Bir il ərzində bankın məcmu kapitalı 5,75 % artaraq 74,137 mln. manata çatdığı halda, nizamnamə kapitalı dəyişməyərək 60 mln. manat olub.
Bankın gəlirləri ötən ilin müvafiq dövrünə nisbətən 28,21% azalaraq 10,093 mln. manat, xərcləri isə 5,73% azalaraq 7,071 mln. manata çatıb.
Cari ilin ilk altı ayı ərzində bankın əldə etdiyi mənfəət 363,60 min manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
