Bakı - APA. Rusiyanın Sankt-Peterburq şəhərində 4 naməlum şəxs Azərbaycan vətəndaşının 2,5 milyon dollar pulunu oğurlayıb. APA-nın xəbərinə görə, bunu “RİA Novosti”yə Rusiya Daxili İşlər Nazirliyinin mətbuat mərkəzindəki mənbə deyib.
Mənbə bildirib ki, sentyabrın 25-də 1985-ci il təvəllüdlü Azərbaycan vətəndaşı polisə müraciət edərək hadisə barədə məlumat verib: “O, sentyabrın 11-də saat 17.00-da “Pulkovo-2” hava limanından çıxarkən 4 maskalı şəxsin fiziki zor tətbiq edərək onu avtomobilə əyləşdirdiklərini, içində 2,5 milyon dollar olan çantasını və şəxsi sənədlərini əlindən aldıqlarını, Puşkin rayonunun Şuşarı qəsəbəsinə apararaq orada avtomobildən düşürdüklərini və qaçdıqlarını bildirib”.
Hələlik polis cinayət işi qaldırmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
