Bakı. Cavid Zeynalov - APA. Azərbaycan Dövlət Gənc Tamaşaçılar Teatrının baş rejissoru, əməkdar incəsənət xadimi Bəhram Osmanov Mahaçqala şəhərinə yaradıcılıq ezamiyyətinə yollanıb.
Teatrdan APA-ya verilən məlumata görə, rejissor Rusiya Federasiyası Teatr Xadimləri İttifaqının dəstəyi ilə iki ildən bir keçirilən Qafqaz, Şimali Qafqaz və Abxaziya teatr rejissorlarının 3-cü dəfə keçirilən rejissor laboratoriyasında iştirak edir.
Orenburq Akademik Dram Teatrının bədii rəhbəri, Rusiya Federasiyasının xalq artisti Rifkat İsrafilovun rəhbərliyi ilə keçirilən rejissor laboratoriyasında sözügedən respublikaların teatr rejissorları 1 həftə müddətində dünya teatr prosesində baş verən yeniliklər, teatrlararası təcrübə mübadiləsi haqqında söhbət-diskussiya aparıb.
Görüşlərdə azərbaycanlı rejissorun Azərbaycan teatrının hazırkı vəziyyəti haqqındakı çıxışı maraqla qarşılanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
