Bakı. Şamil Əlibəyli – APA. Macarıstanın informasiya kommunikasiyaları üzrə dövlət naziri Vilmoş Valyi-Nad Azərbaycana səfərə gələcək. Bu barədə APA-ya Macarıstanın Azərbaycandakı səfiri Jolt Çutora məlumat verib. O deyib ki, dekabrın 2-dən 5-dək baş tutacaq səfərin əsas məqsədi Azərbaycan paytaxtında keçiriləcək “Bakutel-2013” sərgisində iştirakdır. Səfər çərçivəsində macar nazirin bir sıra görüşlər keçirməsi də nəzərdə tutulub.