Bakı. Könül Kamilqızı – APA. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 60-90, Kiçik Qafqazın çaylarında 70-110, Lənkəran-Astara bölgəsi çaylarında 40-90, Naxçıvan MR çaylarında isə 20 faizini təşkil edir.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən xəbərə görə, son 4 gün ərzində Kür çayının Qıraqkəsəmən məntəqəsində suyun səviyyəsində 36 sm azalma qeydə alınıb. Hazırda məntəqədə su sərfi 265 m3/s olmaqla, ongünlük normanın 38 faizini təşkil edir. Son 4 gün ərzində Qanıx çayının Əyriçay məntəqəsində suyun səviyyəsində 10 sm artım müşahidə olunub. Hazırda məntəqədə su sərfi 141 m3/s olmaqla, ongünlük normanın 71 faizini təşkil edir.
Son günlər ərzində yağan yağışlarla əlaqədar Kür çayının sağ və sol qollarında sululuğun kəskin artımı baş verib. Belə ki, Qarasu-Zərdab məntəqəsində suyun səviyyəsi 126 sm artıb. Bunun nəticəsində Kür çayının aşağı axınında səviyyə artımı müşahidə olunub. Belə ki, son 4 gün ərzində Kür çayının Surra məntəqəsində suyun səviyyəsində 121 sm, Şirvanda 95 sm, Salyanda 30 sm, Bankədə 12 sm, Araz çayının Novruzlu məntəqəsində isə 105 sm artım qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
