Lənkəranda eyni kənddə son bir ay ərzində bir neçə oğurluq faktının baş verməsi kənd sakinlərini ciddi narahat edir.
ONA-nın cənub bürosundan verilən məlumata görə, sonuncu hadisə gecə saatlarında rayonun Şilim kəndində baş verib. Bəylər İsmayılova məxsus evin həyətindəki tövlədən 2 baş qoyun oğurlanıb. Artıq bu, bir ay ərzində ayrı-ayrı vaxtlarda zərərçəkmişin üzləşdiyi üçüncü oğurluq hadisəsidir. Ümumilikdə İsmayılovların tövləsindən 4 baş qoyun oğurlanıb.
Oğurluq hadisələri tez-tez baş verdiyindən hazırda kənd sakinləri təşviş içindədir.
Faktla bağlı isə Lənkəran Şəhər-Rayon Polis Şöbəsi araşdırmalara başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
