«APA-Economics»in xəbər verdiyi kimi, bunu Bakıda səfərdə olan Beynəlxalq Valyuta Fondunun (BFV) missiyasının rəhbəri Raca Almarzoqi bəyan edib.
R.Almarzoqinin sözlərinə görə, bu il ölkədə orta illik inflyasiyanın səviyyəsinin 3,4% olacağı gözlənilir.
Müqayisə üçün bildirək ki, 2012-ci ilin yekunlarına görə, Azərbaycanda inflyasiya 1,1% səviyyəsində olub.
R.Almarzoqinin fikrincə, dövlət xərclərinin yüksəlməsi, habelə qeyri-neft sektorunda istehsalat güclərinin artıq yüklənməsi şəraitində fəaliyyət göstərməsi səbəbindən və müvafiq tədbirlər görülməyəcəyi təqdirdə, inflyasiyanın göstərilən səviyyəyə çatması labüddür.