Bakı-APA. Bostonda terror aktı törətməkdə şübhəli bilinən 26 yaşlı Tamerlan Tsarnayevin cəsədi mayın 6-da Vuster şəhərində (Massaçusets ştatı) torpağa tapşırılacaq. APA-nın “İTAR-TASS”a istinadən verdiyi xəbərə görə, bu barədə mərasimin təşkili ilə məşğul olan Boston şəhərinin dəfn mərasimləri üzrə bürosunun rəhbəri Piter Stefan bildirib.
“Biz onu bazar ertəsi günün sonunda dəfn edəcəyik”, deyə o bildirib. Stefan əlavə edib ki, hal-hazırda qəbrin yeri müəyyənləşir.
Qeyd edək ki, Boston sakinləri Tsarnayevin torpağa tapşırılmasına qarşı çıxaraq, onu Üsamə ben Laden kimi “dənizdə dəfn olunmasını” təklif edirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
