Sənaye və energetika

Ana səhifə

İran Avropaya qaz nəqli üçün Türkiyə ilə razılaşma əldə edib

10 sentyabr 2012 09:18 (UTC +04:00)

Bakı. Könül Cəfərli - APA. İran qazının Avropaya ixracı üçün İranla Türkiyə arasında razılaşma əldə olunub.

APA-nın “Fars” xəbər agentliyinə istinadən məlumatına görə, bunu İran Təbii Qaz Milli Şirkətinin rəhbəri, ölkənin neft nazirinin müavini Cavad Oci bildirib.

Onun sözlərinə görə, İrandan Türkiyəyə göndərilən təbii qazın bir hissəsi Avropaya ixrac olunacaq: “Bunun üçün rəsmi Tehran Avropaya ixrac etdiyi təbii qazın həcminə uyğun olaraq Türkmənistandan Türkiyəyə təbii qaz tranzit edəcək. Bununla bağlı hər iki ölkənin neft və energetika nazirləri razılığa gəliblər. Bu razılaşmanın reallaşması üçün lazımi infrastruktur İranda mövcuddur”.