Mədəniyyət siyasəti

Ana səhifə

Mədəniyyət siyasəti

NATO PA-dakı parlamentarilər də “Eurovision-2012” mahnı müsabiqəsinin finalını yüksək qiymətləndiriblər

27 may 2012 17:31 (UTC +04:00)

Bakı-APA. “Eurovision-2012” mahnı müsabiqəsinin finalı NATO Parlament Assambleyasının Tallində keçirilən yaz sessiyasında iştirak edən parlamentarilər tərəfindən də yüksək qiymətləndirilib.

Bütöv Azərbaycan Xalq Cəbhəsi Partiyasının (BAXCP) mətbuat xidmətindən APA-ya daxil olan məlumata görə, bu barədə hazırda Tallində olan partiya sədri, millət vəkili Qüdrət Həsənquliyev məlumat verib.

Q. Həsənquliyev deyib ki, assambleyanın bu gün keçirilən toplantısından öncə hər kəs “Eurovision-2012”-nin finalının yüksək səviyyədə təşkil olunmasından danışıb: “Müsabiqənin finalı hər kəsi heyrətləndirib. Bu gun tamamilə fərqli ölkələri təmsil edən parlamentarilər bizə yaxınlaşır və ölkəmizin bu uğurlu təşkilatçılığına görə bizi də təbrik edirdilər. NATO Parlament Assambleyası kimi nüfuzlu bir qurumda təmsil olunan insanlardan bu qədər gözəl sözlər eşitmək, onların necə heyrətləndiklərini görmək olduqca qürurvericidir. Buna görə də “Eurovision-2012” mahnı müsabiqəsinin Təşkilat Komitəsinə və İctimai Televiziyaya dərin minnətdarlığımı bildirirəm”.