Bakı. Aqşin Rafiqoğlu - APA-Economics. SOCAR 2016-ci ilin yanvar ayında Novorossiysk limanından 258 ton neft ixrac edib.
“APA-Economics”in SOCAR-a istinadən verdiyi məlumata görə, bu, ötən ilin yanvar ayı ilə müqayisədə 657 dəfə azdır. Belə ki, SOCAR 2015-ci ilin yanvar ayında Novorossiysk limanından 169 507 ton neft ixrac edib.
Ötən ay Supsa limanından 254 048 ton neft ixrac edilib ki, bu da ötən ilin analoji dövrü ilə müqayisədə 0,023% azdır.
Yanvarda Ceyhan limanından 1 mln. 510 min 913 ton xam neft ixrac edilib ki, bu da 2015-ci ilin yanvar ayına nisbətdə 11,0% azalıb.
SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
