Masallı sakini müxtəlif dərəcəli yanıq xəsarəti alıb. APA-nın cənub bürosunun məlumatına görə, rayonun Təzəkənd kənd sakini, 1962-ci il təvəllüdlü Vəfadar Aydın oğlu Ağayev bədəninin müxtəlif hissələrinin yanıq xəsarəti ilə Masallı Rayon Mərkəzi Xəstəxanasına müraciət edib.
Bədəninin 15-18% hissəsi yanan V. Ağayevə tibbi yardım göstərilib və ona I-II dərəcəli yanıq diaqnozu qoyulub.
Zərərçəkmiş evdə ehtiyatsızlıqdan yanıq xəsarəti aldığını bildirib.