Bakı – APA. Amerika Birləşmiş Ştatlarının Hərbi Hava İŞİD terrorçu qruplaşmasının İraq ərazisindəki mövqelərinə hava zərbələri endirib.
APA-nın Reuters agentliyinə istinadən verdiyi xəbərə görə, bu barədə məlumatı ABŞ hərbi qüvvələrinin mərkəzi komandanlığı yayıb.
Məlumata əsasən, hərbi təyyarələr ötən gün İraqın əl-Faluca şəhəri yaxınlığında İŞİD terror qruplaşmasının avtomobil karvanını məhv edib. Nəticədə azı 250 terrorçu məhv edilib, 40 ədəd hərbi texnika sıradan çıxarılıb.
Xatırladaq ki, ABŞ-ın hərbi aviasiyası 2014-cü il, avqustun 8-dən etibarən İraqda, sentyabrın 23-dən isə Suriyada İŞİD-in mövqelərinə hava zərbələr endirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
