Ağdaş. Elvin Yaqubov-APA. Elmi-Tədqiqat Kardiologiya İnstitutunun həkimləri dekabrın 13-14-də Ağdaş Mərkəzi rayon Xəstəxanasında yerli və ətraf rayonlardan olan sakinləri müayinə ediblər.
“Sağlam həyat uğrunda” devizi altında keçirilən humanitar tədbirdə Elmi-Tədqiqat Kardiologiya İnstitutunun baş həkimi, tibb elmləri doktoru Əhməd Babayevin rəhbərliyi ilə tanınmış həkimlər 150-dən çox insanı müayinə edib və aşkar edilən xəstəliklərin profili üzrə vətəndaşların bir qismi stasionar qaydada müalicəyə cəlb edilib. Müayinələr dekabrın 15-də başa çatacaq.