Bakı – APA. Ukraynada güc strukturları Donetsk vilayətinin Maryinka yaşayış məntəqəsini separatçılardan azad ediblər.
APA-nın UNN agentliyinə istinadən verdiyi xəbərə görə, bu barədə “Donbass” batalyonunun Facebook səhifəsində bildirilib.
“Ukrayna hərbi qüvvələri könüllülər batalyonları ilə birgə Donetsk şəhərinin ətrafında yerləşən Maryinka qəsəbəsində nəzarəti ələ alıblar”, məlumatda deyilir. Bununla belə qeyd olunur ki, ərazidə xeyli sayda separatçılar qalmaqdadır.