Ağdaş. Zahid Abışov - APA. Ağdaşda ildırım vurması nəticəsində 1 nəfər dünyasını dəyişib.
Ağdaş rayon prokurorluğundan APA-nın yerli bürosuna verilən məlumata görə, hadisə dünən axşam saat 20:00 radələrində rayonun Qaradeyin kəndi ərazisində baş verib.
1992-ci il təvəllüdlü kənd sakini Mənsur Məhərrəm oğlu Hüseynovu at belində xırdabuynuzlu heyvanları otararkən ildırım vurub. Nəticədə M.Hüseynov hadisə yerində dünyasını dəyişib. Hadisə vaxtı 1 at və 1 quzu da tələf olub. Faktla bağlı Ağdaş rayon prokurorluğunda araşdırma aparılır.
Qeyd edək ki, M.Hüseynov ailəli olub.